El spazìn
Avóro par l'amór, de la cità mia
la tegno sempre in ordine, qualsìasi tempo sia...
Queo che faso mi, xe nòbie e importante
so el primo de matìna, a vederla afascìnante
la xe cusì bèla, nall'aria umida e silensiosa
avòlta dal calìgo, la par na perla preziosa
par le strade vode, senza xente che passa
la sento solo mia, la so ànema me trapàsa
come na sióra, che se desmìsia a la matìna
co l'aria insonàda, soto la covertina ...
la se mostra a mi, un poco a la volta
alóra mi ghe parlo ... e éla me scolta
Desmìsiate pian, pìcola dolcèsa mia
farò in modo ancóra, che i to i oci brìa
te càvo da indòso, tute ste imonde scoàse
che ti no ti meriti, sióra mia de clàse
lo so che i te trata, sensa dignità
ormai de ti, tuto i ga sfrutà
so el primo de matìna, a ciapàrte par man
lo farò sempre ancuò, e anca domàn
no state preocupàr, te farò beìssima
te farò risplénder, nostra "Serenissima"!
Foto di Fabio Sguazzin