rotate-mobile
Giovedì, 28 Marzo 2024
Favola Veneziana

Favola Veneziana

A cura di Cristina Marson

Sògnando Venessìa

Ti me xe apàrsa, come na ànema incaenàda...
che abrasàda dal calìgo, dal tempo ti xe tornàda...

Portìme via co ti, fàme revìver i sècoli pàsai
fàme respiràr l'odor, de chi  tempi desmentegài

làsite vàrdar, dàme zoìa pàr un momènto
càvite sto manto grigio, e fa alzàr el vento...

Se levàremo in vólo, su le ali de un gabìan
me lasarò abrasàr stréta, mio sògno venèssian... 

Da l'alto dei campanìli, spìcheremo el volo
fònderemo i nostri cuori, in un bàtito sólo

pò serarèmo i òci, e se lasarèmo trasportàr
ninàe da l'arìa salsa, che profùma de mar

e spàrxeremo stèle, sul manto de la to laguna
se farèmo anca prestàr, el ciàro da la luna

fàremo briàr de nòte, co reflèsi arzèntai
i sguardi inoçénti, dei zóveni inamorài...

Senti che paxe, che silensio perfèto
....questa xe l'ora, che i ànzoli va in lèto. 

Ferma qua el tèmpo, regàlime sta màgia
no vojo tornàr, ne la me dolse malinconìa 

domàn lo rifàxemo, prométimio tesòro
depìnzaremo la laguna, tuta colór de l'òro

e riposarèmo stanche... su le to cùpole al tramonto
ne le pagine del libro, de sto magìco racònto...

foto cristina-2

Sògnando Venessìa

VeneziaToday è in caricamento